عجبي!!! [الأرشيف] - منتديات المنار للطب الأصيل

نجمة المنار

26-01-2009, 17:23

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

نجمة المنار

26-01-2009, 17:26

السلام عليكم و رحمة الله
يا ترى عرفتم مين اللي قال الكلام ده؟
اللي عرف مش حقول له عجبي
انتظروني كل يوم على المنار
في...
عجبي

نجمة المنار

27-01-2009, 21:00

يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!

نجمة المنار

28-01-2009, 17:29

ليه يا حبيبتى ما بينا دايماً سفر؟
ده البعد ذنب كبير لا يغتفر
ليه يا حبيبتى ما بينا دايماً بحور؟
أعدى بحر ألاقى غيره اتحفر
عجبى !!!!!

Hania

28-01-2009, 18:23

عزيزتي نجمة
بصراحة فكرة الموضوع رائــــــــــــعة
مبدعة ومتميزة كما تعودنا منك
من أروع ما ممكن ان يقرأه الإنسان في حياته
ومن الأشياء التي يجب عليه عدم تفويتها
رباعيات صلاح جاهين تسلم ايدك حبيبتي
واسمحيلي بمساهمة صغيرة حتى لا أدخل ايدي فاضية :icon_flower:
.
.
.

وحيد لكن بين ضلوعي زحام

أنا شاب لكن عمري ألف عام

خايف و لكن خوفي مني أنا

أخرس و لكن قلبي مليان كلام

عجبي !!!!

نجمة المنار

29-01-2009, 00:05

Hania

29-01-2009, 00:33

السلام عليكم و رحمة الله
حبيبة قلبي هانيا انت تيجي بطولك و تكوني دايما كل الخير و البركة
و سعيده جدا انه في حد في منتدانا الغالي بيحب الرباعيات زيي و الا كنت حكتب مشاركة اقول فيها عجبي!!!
شرفني مرومك و شرفني ردك و تسلمي دايما يا رب و تابعيني كل يوم ان شاء الله

http://www.vip70.com/smiles/data/077.gif

وعليكم السلام ورحمة الله وبركاته
ايه يا نجمة اروح بكل هذا الكلام الجميل فيــــــــــــن
كلك زوق عزيزتي
والموضوع بجد متميـــــــــز ولا أعتقد ان هناك في الدنيا من لا يحب الرباعيات
جزاك الله كل خير عزيزتي وبالتوفيــــــق ان شاء الله
ولا حرمنا من البلاك بيري بتاعك :01211:
دمت برعاية اله وحفظه وامنه
.
.
.

نجمة المنار

29-01-2009, 19:21

إيش تـطلبي يـا نفسـي فـوق كـل ده
حظــك بيضــحك وانـتي متنكـدة
ردت قـالت لـي النفس : قـول للبشـر

مـا يبصـوليش بعيـون حـزينـة كـده

عـجبي !!!

Hania

30-01-2009, 11:54

و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!

نجمة المنار

01-02-2009, 22:42

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عـجبي !!!

نجمة المنار

02-02-2009, 19:35

سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط

عـجبي !!!

Hania

03-02-2009, 16:50

أختي الحبيبة عزيزتي نجمة المنار نفتقدك

عسى المانع خير ان شاء الله

.

.

.

فتحت شباكي لشمس الصبـــــــــــــــــاح

ما دخلش منه غيــــــــــر عويل الريـــاح

و فتحت قلبي عشان ابوح بالألـــــــــــــم

ما خرجش منه غير محبه و سمــــــــاح

عجبي !!!!

نجمة المنار

03-02-2009, 17:44

أختي الحبيبة عزيزتي نجمة المنار نفتقدك
عسى المانع خير ان شاء الله

السلام عليكم و رحمة الله
موجوده حبيبتي هانيا سنبل
كنت بس بشم شوية هوا من الحبسة:006:

نجمة المنار

03-02-2009, 17:51

تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عـجبي !!!

Hania

03-02-2009, 19:32

السلام عليكم و رحمة الله
موجوده حبيبتي هانيا سنبل
كنت بس بشم شوية هوا من الحبسة:006:
و عليكم السلام ورحمة الله وبركاته
حبيبتي نورتي بيتك جبتيلي بوظة :icon_colors:
الحمد لله على السلامة سعيدة انك خرجتي شميتي هوا :icon_thumleft:
بصراحة انت لم تغيبي بس استغربت تأخرك وقد اعتدت تنويرك الدائم للصفحات و قلت اناغشك برباعية على زوقك :0041:
دمت لنا
.
.
.

نجمة المنار

04-02-2009, 17:25

ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش

عـجبي !!!

نجمة المنار

05-02-2009, 19:30

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!!

شبل المنار

06-02-2009, 14:14

نجمة المنار

06-02-2009, 22:04

إسمحوا لى أشارك فى الموضوع الرائع ده

ولو بمشاركة واحدة
على سبيل التذكار

الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!

السلام عليكم و رحمة الله
أوضة تاني ؟
ملقتش في الرباعيات غير دي
ده انت ملكش حل يا شبل
بس انت بجد منور الرباعيات و الموضوع اتشرف بيك
http://img488.imageshack.us/img488/9454/15uc1.gif

نجمة المنار

06-02-2009, 22:06

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!

نجمة المنار

07-02-2009, 20:36

ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!

نجمة المنار

09-02-2009, 01:37

علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!!

نجمة المنار

09-02-2009, 15:59

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!!

نجمة المنار

10-02-2009, 18:12

يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!

نجمة المنار

11-02-2009, 15:47

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

نجمة المنار

12-02-2009, 21:37

أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي

عجبي !!!

نجمة المنار

25-02-2009, 21:44

السلام عليكم و رحمة الله

عدنا من جديد

نجمة المنار

25-02-2009, 21:49

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!

نجمة المنار

26-02-2009, 18:47

مع ان كل الناس من اصل طين
وكلهم بينزلوا مغمضين
بعد الدقايق والشهور والسنين
تلاقى ناس اشرار وناس طيبين
عجبي !!!

Hania

02-03-2009, 09:20

السلام عليكم و رحمة الله

عدنا من جديد

و عليكم السلام ورحمة الله وبركاته
نورتي حبيبتي نجمة
الرباعيات في موضوعك لها نكهة تانية
يمكن لأننا منقف كتيـــر أمام كل كلمة
و لا يوجد كلام ممكن يوفي الخيام حقه في هذا الإبداع المبهر و العمق و الواقعية في الوصف
و حقيقي
-----------------------------
الحزن ما بقالهوش جلال يا جدع
الحزن زي البرد ... زي الصداع
--------------------------
تسلم ايدك يا نجمة نورتي المنار
دمت لنا بحفظ الله و رعايته وأزاح عنك ما أهمك
.
.
.

Hania

27-05-2009, 01:54

السلام عليكم ورحمة الله وبركاته

نجمة التي تستطع في الأفق
إفتقدنا طلتك مع خيط الشفـــق
أين رباعياتك و أين ما كان اتفق
بانتظارك من جديد .... لتطربينا بالمزيد
لك مني تحية ودٍ و شوق
بانتظارك دوما غاليتي

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!!

صلى الله على محمد صلى الله عليه وسلم
.
.
.

نورلان

27-05-2009, 14:24

موضوعك جميـــــــــــــــــــل يا نجم وصلاح شاهين اجمل
يا نجم .. نورك ليه كده بيرتجف

هو انت قنديل زيت ؟ أو تختلف

أنا نجم عالي .. بس عالي قوي

و كل ما انظر تحت اخاف انحدف

عجبي !!!!

اللهم صلي وسلم على سيدنا محمد

رحمة ربى أبتغى

17-06-2009, 06:45

جمييييييييييييل جدا يانجمه ....وجميله الرباعيات التى تزين الصفحات
وعجبى ان توقفتى عن ادهاشنا بها ....

لا توحش النــــفس بخوف الظنون
واغنم من الحاضر أمن اليقين

فقد تســـاوى فى الثرى راحل غدا
وماض من الوف الســـــــنين

عجبى!!

رحمة ربى أبتغى

17-06-2009, 06:55

ربنا ربنا يولى النعم
أستجير بالخجل والشعور بالندم
أعمل أيه بالدموع فى السجود والركوع
نفسى فى حضرتك أبقى مش متهم

عجبى!!

نجمة المنار

22-06-2009, 16:50

اهلا بكل محبي صلاج جاهين
هانيا حبيبتي الغاليه
نورلان,رحمة ربي ابتغي شرفتم الرباعيات بمروركم الجميل
انتظرونا كل يوم كالعاده ان شاء الله

نجمة المنار

22-06-2009, 17:19

دخل الربيع يضحك لقاني حزين
نده الربيع على إسمي لم قلت مين
حط الربيع أزهاره جنبي وراح
وإيش تعمل الأزهار للميتين
عجبي !!!

نجمة المنار

22-06-2009, 17:44

احب اشكر اخي الفنان علاء لانه اهداني الرباعيات بصوت صلاح جاهين و صوت الفنان علي الحجار
هدية قيمة اعتز بها اخي
شكرا لك
http://eg02526791.jeeran.com/33331ro.gif

نجمة المنار

23-06-2009, 00:43

فتحت شباكي لشمس الصبـاح

ما دخلش منه غيــــر عويل الريـاح

وفتحت قلبي عشان ابوح بالألــم

ما خرجش منه غير محبه و سمــاح

عجبي !!!

نجمة المنار

23-06-2009, 18:29

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!!

نجمة المنار

24-06-2009, 12:59

في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!

رحمة ربى أبتغى

24-06-2009, 15:28

مقتطفات من رباعيات فى حب الله

سألت الناس جاوبونى
على بيت الله دلوني
وقلت لهم سبقتوني
فى حب الله

سألت الشجرة والعصفور
ونجمة تصلي لما تدور
قالولي ذنبنا مغفور
فى حب الله

بشوف فى منامي لما أحلم
يمام أخضر فى بير زمزم
بيتوضى وبيصلي
فى حب الله.

رحمة ربى أبتغى

24-06-2009, 15:35

كل ما أمر فى لحظة بأزمة

بقدر أسافر زي النجمة

روحي تلف تقول يا إلهي

متع الدنيا ملهاش لزمة

نجمة المنار

25-06-2009, 16:51

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!

نجمة المنار

27-06-2009, 20:43

يأسك و صبرك بين إيديك و انت حر
تيأس ما تيأس الحياه راح تـمر
أنا دقت مندا ومندا عجبي لقيــت
الصبر مر و برضك اليـأس مـــر
عجبي !!!

نجمة المنار

28-06-2009, 15:22

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!

نجمة المنار

29-06-2009, 13:08

لا تجبر الانسان و لا تخــيره
يكفيه ما فيه من عقل بيحيـره
اللي النهارده بيطلبه و يشتهـيه
هو اللي بكره ح يشتهي يغيــره
عجبي !!!

نجمة المنار

30-06-2009, 23:26

كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!

نجمة المنار

03-07-2009, 23:32

دي مذكرات و كتبتها من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقلت صحيح أما صحيح كلام مخبولين
عجبي !!!

نجمة المنار

05-07-2009, 12:06

السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
و العبد للشهوات .. منين هو حر؟
عجبي !!!

نجمة المنار

06-07-2009, 11:06

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!

نجمة المنار

07-07-2009, 16:21

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

نجمة المنار

11-07-2009, 11:02

عيني رأت مولود علي كتف أمــه
يصرخ تهنن فيه يصرخ تضــمه
يصرخ تقول يا بني ما تنطق كـــــــلام
ده اللي ما يتكلمش يكتر همــــه
عجبي !!!

نجمة المنار

12-07-2009, 20:25

نجمة المنار

15-07-2009, 12:00

وقفت ساعة الصبح باغسل سناني
قالت لي شايف قوتي و لمعاني ؟
إيش تطلب اليوم مني ضحكة أسد ؟
والا ابتسامة اعلانات أمريكاني ؟
عجبي !!!

نجمة المنار

16-07-2009, 20:02

ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك

عجبي !!!

نجمة المنار

18-07-2009, 07:08

أنا قلبي كوكب و انطلق في المدار
حواليكي يا محبوبتي يا نور ونـــار
يلف مهمــــا يلف ما بيكتفــــــفيش
وتمللي نصه ليل و نصه نهــار

عجبي !!!

نجمة المنار

20-07-2009, 22:23

لو اتضنيت و فنيت وعمري انفرط

مش عاوز الجأ للحلول الوســـط

وكمان شطط و جنون مانيش عــاوز

يا مين يقول لي الصح فين والغلــــط

عجبي !!!

نجمة المنار

23-07-2009, 23:39

يا وردة قلبي معاكي في الريح لعب

لا تعبتي م الريح و لا قلبي تعـــب

احنا كده : نرتاح في صخب الجنون

وفي السكون بنخاف قوي و نترعب

عجبي !!!

نجمة المنار

26-07-2009, 21:47

إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!!

نجمة المنار

27-07-2009, 10:55

عيني رأت مولود علي كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه
عجبي !!!!

نجمة المنار

28-07-2009, 17:21

ما حد في الدنيا واخد جزاتـــه
و لا حـــد بيفكر في غير لذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!!

نجمة المنار

29-07-2009, 15:06

أنا كنت شئ وصبحت شئ ثم شــئ
شوف ربنا .. قادرعلي كل شـــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!!

نجمة المنار

29-07-2009, 19:38

وقفت بين شطين علي قنطـــــرة
الكدب فين و الصدق فيـــــن يا تري
محتار ح اموت .. الحوت خرج لي وقالي
هو الكلام يتقـــــاس بالمســـــــــطرة
عجبي !!!

نجمة المنار

30-07-2009, 22:53

آه لو انا و محبوب جزنا الفضـا
في سفينة وحدينا .. واشيا رضـا
ساعة صفا تعجبنا نرجع لهـا
و الهم قبل ما ييجي .. يبقي مضـى
عجبي !!!

نجمة المنار

31-07-2009, 13:12

نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحــــــــــدها
هي الحياه كده .. كلها في الفاشوش
عجبي !!!

نجمة المنار

01-08-2009, 20:47

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!

Hania

23-12-2009, 08:45

نجمة المنار

23-12-2009, 17:48

شكرا يا هنوش
لانك احييتي الموضوع
حنواصل ان شاء الله
:3_8_178:

نجمة المنار

23-12-2009, 17:51

زحام وأبواق سيارات مزعجة

إللي يطول له رصيف...يبقى نجا

لو كنت جنبي يا حبيبي أنا

مش كنت أشوف إن الحياة مبهجه؟

عجبي !!!

نجمة المنار

24-12-2009, 15:06

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

نجمة المنار

29-12-2009, 13:36

غمست سنك في السواد يا قلـــــــــــــــم

عشان ما تكتب شعر يقطر ألــــــــــــــــم

مالك جرالك إيه يا مجنون ... و ليــــــــه

رسمت ورده وبيت و قلب و علـــــــــــم

عجبي !!!

dalal.sobhy

29-12-2009, 21:13

أجمل عجبي سمعتها
كانت من الراحل صلاح جاهين..
أنا سعيدة جدا إن لسه فيه ناس
بتقدر شعره الجميل..
تسلم إيديكي حبيبتي..
وإوعي تحرمينا من الرباعيات
وإلا حأقول لك
عجبي!!!
:3_8_177:

نجمة المنار

01-01-2010, 20:18

بره القزاز كان غيم و أمطار و بــــــــرق

ما يهمنيش – أنا قلت – و لا عندي فرق

غيرت رأيي بعد ساعة زمـــــــــــــــــان

و كنت في الشارع .. و في الجزمة خرق

عجبي !!!

نجمة المنار

01-01-2010, 20:25

إيديا في جيوبي وقلبي طــــــــرب

سارح في غربة بس مش مغترب

و حدي لكين ونسان و ماشي كده

وبابتعد ما اعرف .. أو باقـــــترب

عجبي !!!

نجمة المنار

09-03-2010, 20:42

عدنا
http://www13.0zz0.com/2010/03/09/19/241373381.gif

نجمة المنار

09-03-2010, 20:43

انا الذي عمري اشتياق في اشتيـــاق

و قطر داخل في محطة الـــــــــفراق

قصدت نبع السم وشربت ســـــــــم

من كتر شوقي وعشمي في التريـــاق

عجبي !!!

نجمة المنار

11-03-2010, 12:41

كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!

نجمة المنار

11-03-2010, 12:50

نجمة المنار

13-03-2010, 22:08

ياللي عرفت الحب يوم و انطــــــــــــوي

حسك تقال مشتاق لنبع الهـــــــــــــــوي

حسك تقول مشتاق لنبع الغــــــــــــــــرام

ده الحب .. مين داق منه قطره...ارتوي

عجبي !!!

نجمة المنار

30-03-2010, 17:26

نقطة مرارة كمان علي مشروبـــــــــــي

دوبها يا ساقي حسب مطلوبـــــــــــــــي

طب الحياة .. مش برضه فيها و فيها ؟

ليالي وردي و نهارات خروبــــــــــــي ؟

عجبي !!!

نجمة المنار

27-06-2010, 16:44

علقت في المسمار قناع مهزلة

ومعاه قناع مأساة بحزنه ابتـــلا

بصيت لقيتهم يشبهوا بعضهـــم

واهو ده العجب يا ولاد و الا فلا

عجبي !!!