المساعد الشخصي الرقمي

مشاهدة النسخة كاملة : من كلام عمنا بيرم


حــاتم الجــارحى
03-09-2008, 23:39
بسم الله الرحمن الرحيم


قال عمنا بيرم التونسى


ياشرق فيك جـو مــنور
والفكر ضلام
وفيك حرارة ياخسارة
وبرود أجسام
فيك تسعميت مليون زلمة
لكن اغنام
لا بالمسيح عرفوا مقامهم
ولا بالإسلام
هى الشموس بتخلى الروس
كداهو بدنجان
ضوء المنار
04-09-2008, 00:30
بسم الله الرحمن الرحيم


فعلا ياباشمهندس سؤال محير
ياترى الرسل دول كلهم ومايتبعهم من هداية ومايتبعها من حكمة ورحمة ونور وعبقرية وكل حاجة كويسة
وحالنا سىء
ياترى ليه ؟
شبل المنار
04-09-2008, 23:39
أنا أعرف ان الباشمهندس من أشد المعجبين ببيرم التنوسى
وأعرف أنه يحفظ له أزجال كثيرة
وبيرم التونس علم من أعلام الزجل المصرى
وله مواقف كثيرة وأزجال متعددة
ياريت الإدارة تثبت هذا الموضوع
( من كلام عمنا بيرم )
وكل يومين تلاتة يضيف له الباشمهندس مما فى ذاكرته من أزجاله الرائعة
فكرة جيدة وقابلة للتنفيذ
وشكرا
ضوء المنار
05-09-2008, 09:10
بسم الله الرحمن الرحيم


وهو كذلك يا شبل
والله ما انا منزله كلمتك الأرض
أنا موافقة
ــــ بس خد بالك الباشمهندس حاسس أتك بتورطه ــــ
:D :D :D
حــاتم الجــارحى
06-09-2008, 12:49
بسم الله الرحمن الرحيم


أختى العزيزة ضوء المنار
العيب اكيد فينا إحنا
فنحن لم نتمسك بمبادىء ولا بقيم هذه الرسالات السامية
أما بخصوص مباركتك السريعة على إقتراح شبل
فعندى إحساس غريب ان الموضوع ده مدبر

إبنى العزيز شبل المنار
أنا كنت ومازلت أعجب بك وبذكائك
لكنى لن أعجب بهذا الذكاء أبدا إذا تم توجيهه ضدى:mad:
أبو قمر
09-09-2008, 22:42
يا سلام فكره في الجون
وتبقى أحلى لو أطلقنا عليه
بيرم والجارحي وكل خميس
يتحفنا بحته حلوه من بتوع
عمنا بيرم ويقول بقي ان ابو قمر
اتفق معاهم أو متفقش دا رأى الجمهور
والجمهور دايما على حق
ضوء المنار
10-09-2008, 13:28
بسم الله الرحمن الرحيم


شوفت بقى ياباشمهندس إنك كنت ظالمنا
إن بعض الظن إثم
ده بناءا على رأى الجمهور زى ما أخونا أبو قمر بيقول
وعجبى
Hania
10-09-2008, 13:38
السلام عليكم ورحمة الله وبركاته
اخي الفاضل الجارحي كلمات رائعة للمبدع بيرم
والاجمل ان تسرد من شخص محب له ولفنه زي حضرتك
طبعا انا أؤيد اقتراح اخوتي شبل المنار وضوء المنار والاخ ابو قمر
ومعا تعرفنا على هذا الكاتب المبدع
جزاك الله عنا كل خير منتظرين اضافاتك يا بشمهندس
حــاتم الجــارحى
10-09-2008, 22:50
بسم الله الرحمن الرحيم


نرجع لعمنا بيرم
تم نفى عمنا بيرم لفرنسا بسبب لسانه الطويل على الأسرة الحاكمة والحكومة والإستعمار الإنجليزى
فكتب هذه الأبيات الزجلية على لسان صعيدى فوجىء بفرنسا ونساء فرنسا وتقدم فرنسا
فماذا قال ؟
تعالوا نشوف


صعيدى فى باريس


عجلى ملخـــبط ياخــلايج وعينيه مزغللــــــــين
من نســـــــوانك يافرنسا البيض العريـــــــانين
ياصلاة الزين يامـــاشالله ياولاد عانســــــاوين
على شط الســين يامحمد نايميــــن وممدديـــن
واحده عاتعوم فى المــيه والتــــانية فى الكابين
لابسين خلـــجات للركـبة دايبيــــن ومجطعيـــن
واللحـــم كـزبدة طـــــرية كاسياه الفســــــــاتين
وكمــــــان وسط الرجاله بالعنية مدفوســـــــين
مطرح ما ادوس وأطـبش مالجاش إلا عجــــــين
وأنا با اتعجب يا أخــوانا بحسب عجلى التـخين
إشمعنا جفـــاهم أبيــــض وجفايا زى الطــــــــين
وأنا ناشـــف ليه ومعضم ودولاته متختخــــــــين
وأنا إسمى خليفة معوض وإسم الحلوين جوزفين
ضوء المنار
12-09-2008, 10:30
بسم الله الرحمن الرحيم


أستاذى
الله يرحم الأستاذ بيرم او عمنا بيرم زى ماحضرتك بتقول
بس واضح انه عنده قدرة وصف خطيرة
واضح انه ....
اللهم إنى صايمة
اكيد حضرتك فاهمنى
شبل المنار
12-09-2008, 11:21
الله ... الله ... الله
والله الكلام طعمه حلو
حلو قوى
أوعى يكون بيفطر !
زدنا ياباشمهندس الله يرضى عليك
حــاتم الجــارحى
10-04-2009, 14:50
بسم الله الرحمن الرحيم


قال عمنا بيرم عن المرأة



المرأة



المرأة لما تبقى قديمه






فالمرأة لما تبقى قديمة مصيبتها نستعيذ بالله


فى دماغها تنكسر بريمة ولايدخل الصواب جواه



********

أولادها كل طفل بعاهة وعلاجها زعفران و لبان

و الكوديه كل ساعة معاها تحكى لهاعن ملوك الجان



********

و يغيظنى شعرها المتنعكش أو لما تربطه بمنديل

و قعادها نص يوم بتفتش على حاجة ضايعة فى الهلاهيل



********

تعالى شوفها لما تحش كرمبة حواليها دستتين مواعين
وتولع الوابور م اللمبة و اللمبة م الوابور يا معين

********
ضوء المنار
11-04-2009, 15:37
بسم الله الرحمن الرحيم


أستاذى العزيز
واضح ان الأستاذ بيرم كان لسانه ــ بسم الله ماشاء الله ــ منطلق ومتجلى
بصراحة ... وصفه مش طبيعى
ده مش وصف ده رسم لشخصية ويجعلك تراها ومن جميع الزوايا
شكرا ياباشمهندس