alaaarali
05-12-2008, 23:03
كتير مننا عنده موهبة التصميم وأول حاجه بيعملها لما بيحاول يطبق الموهبة دي بيدور على نسخة فوتوشوب ويبدأ يعكرب فيها لحد ما يفهم البرنامج وبعدين يقول أنا مصمم فوتو شوب
تقريبا 95% من مستدخدمي الفوتو شوب من النوعية دي ............ دا مش غلط لكن لو عايز تتعلم حاجه اتعلمها صح !
مجال التصميم الرقمي مجال واسع وليه فروع وأبعاد كتير ولو عايز تبقى مصمم رقمي لازم يكون عندك شوية أساسيات فنية بسيطة جدا عشان لو تصميمك وقع في ايد حد متخصص ما يحبطكش
أي تصميم في الدنيا سواء كارت او اعلان او بوستر او غلاف او أي شيء لازم يكون ليه هدف والهدف من التصميم هوا اللي بيحدد الألوان والمساحات والعناصر اللي هنستخدمها
الجماعة المتخصصين بيقولو ان التصميم ليه 10 عناصر رئيسية وهي
النقطة
الخط
الحرف
المساحة
الحجم
الكتلة
الإضاءة
الملمس
اللون
الفراغ
العناصر دي بيصيغها المصمم مع بعضها وبيستخدم اثناء الصياغة دي بعض المفاهيم البسيطة علشان يقدر يظهر جمال العناصر والمفاهيم دي هنديها مسمى أركان التصميم
فيه اربع اركان رئيسية لابد ان يعتمد عليها أي تصميم وهي
التقارب
المحاذاه
التكرار والتناغم
التضاد واللإختلاف
لو استطاع المصمم انه يستخدم العناصر العشرة أو بعضها من خلال الأركان الأربعة دول نقدر نقول ان تصميمه ناجح
طيب ازاي استخدمهم ؟
علشان تقدر تشكل العناصر دي لازم تكون فاهمها ومع بعض واحده واحده هنشرح كل عنصر وايه استخداماته
وقبل ما نشرح العناصر دي لازم نعرف ان كل عنصر من دول ليه خصائص وأبعاد يعني طول وعرض وارتفاع وشفافية وعمق والخصائص دي هيا اللي يتحدد على مدى تناغمها مع بعض جمال التصميم
النقطة .
ابسط عنصر من عناصر التصميم وتعتبر الوحدة البنائية للتصميم يعني مثلا في تصميم البايت ماب bitmap الوحدة البنائية للصورة هيا البكسل ونقدر نعتبر ان كل بكسل نقطة
والنقطة ممكن تكون حاجه من اتنين مربعة وفي الحالة دي ابعادها بتكون طول الضلع أو دائرية وفي الحالة دي بعدها بيكون نص القطر لكن مافيش نقطة مستطيلة أو مثلثة مثلا
الخط
مجموعة من النقط جنب بعضيها والخط ليه بعدين هما الطول والإتجاه وبعض المصممين بيضيفو السمك لكن الرأي دا ضعيف
فيه نوعين من الخطوط وهما الخط البسيط والخط المركب
الخط البسيط فيه منه نوعين خط مستقيم وخط غير مستقيم
الخط المستقيم يا اما افقي او رأسي أو مائل والخط الغير مستقيم يا اما منحني أو مقوس أو انسيابي أو دائري وهنا ما بيحكمناش أساس رياضي
الحرف
أهم اداة بيستخدمها المصمم للوصول للهدف من التصميم والمقصود هنا بالحرف أي الحرف الأبجدي بأي لغة كانت عربي او انجليزي او انشالله هندي
حرف جنب حرف بيديني كلمة وكلمة جنب كلمة بتديني جملة والجملة اللي في التصميم بتكون مفتاح الجمهور لفهم التصميم
وأبعاد الحرف هيا الحجم ونوع الخط والأخير مهم جدا لان اختيار نوع الخط بيدي طابع للتصميم وفيه انواع كتير من الخطوط العربية زي النسخ والرقعة والديواني والفارسي
وبيظهر ابداع المصمم في استخدام عنصر الحرف لما بيصمم لوجو "شعار"
المساحة
تعريف المساحة رياضيا هو حاصل ضرب الطول في العرض لكن في التصميم الرقمي المفهوم مختلف شوية
يعني المساحة في التصميم الرقمي هي الفراغ اللي بيشغله احد مكونات التصميم سواء كان خط او شكل او لون او أي عنصر
والقيمة الجمالية في المساحة بتيجي من التوازن بين المساحات والتناسب والتوافق مع هدف التصميم والعلاقة بين المساحة دي والمسار الفني للتصميم
الحجم
تعريف الحجم هو الحيز الذي يشغله الشئ من الفراغ والحجم في التصميم الرقمي بيرتبط بالمساحة اللي فيها العنصر يعني لو بعمل تصميم متر في متر مثلا حجم العنصر الرئيسي في التصميم ما يقلش عن 40% من الحجم الكلي
الكتلة
الكتلة في التصميم الرقمي هي مجموعة الأشكال المتقاربة في الحجم والمساحة والنوع ولو هستخدم الكتل في تصميم لازم أراعي علاقة الكتلة بالمسار الفني للتصميم علشان ما اعملش ازدحام يضايق العين
الملمس
هو المظهر الخارجي لسطح العنصر وبيجي من تشكيل الضوء الساقط على سطح العنصر ومن أمثلة الملمس النعومة والخشونة والصقل وبيستخدم عنصر الملمس كمؤثر بصري بيدي ايحاء معين
الإضاءة
تأثير الضوء الساقط على التصميم من مصدر ضوئي له موقع وهمي بالنسبة للتصميم ومناطق الإضاءة مهمة جدا في حالة وجود إيحاءات في التصميم
اللون
أهم حاجه في التصميم والألوان في حد ذاتها لغة لازم المصمم يفهمها ويتقنها كويس علشان يقدر يوظفها صح لأنه لو ما بيعرفش يوظف الألوان يبقى يشتغل ابيض واسود احسن ويريحنا
علشان نفهم الألوان وهيا بحر واسع هديكم مقدمة بسيطة
ايه هوا اللون ؟
الضوء بيتكون من اشعاعات وموجات طيفية ليها أطوال موجية والمعروف هوا ان الضوء الأبيض بيتكون من سبع أطياف اللي هيا اللوان قوس قزح طيب ايه اللي بيخلني أشوف الحاجه بلون معين ...... لما الضوء بيسقط على أي جسم الجسم دا بيمتص كل الموجات الضوئية ماعدا موجة واحده بس والطول الموجة دي او بالبلدي لونها هوا اللي بتميزه العين
طبعا الأبيض مش لون ولا الأسود لون لأن الأبيض انعكاس لكل موجات الضوء الساقط والإسود امتصاص لكل موجات الضوء الساقط
والألوان ليها تصنيفات كتيرة يهمنا منها دلوقت الألوان السخنة والباردة
الألوان السخنة اللي أصلها جاي من اللون الأحمر والبارده اللي أصلها جاي من اللون الأزرق
الألوان السخنة بتستخدم لما أكون عايز أعمل عنصر معين بشكل مزعج للعين يعني مثلا لو بصمم يافطة ممنوع الدخول أو ممنوع أي حاجه وحطيت في التصميم علامة اكس لازم تكون الإكس دي باللون الأحمر علشان تزعج العين لكن لو بعمل تصميم هادي أخلي الوانه بارده ازرق أو أخضر بدرجاتهم
والألوان ليها دلالات وهنتكلم عن دلالات الألوان في مواضيع قادمة ان شاء الله
ومهم جدا وانا بشتغل اني أعرف النظام اللوني اللي بشتغل عليه وفيه نظامين مشهورين جدا هما cmyk , rgb
بستخدم cmyk لو هعمل تصميم مطبوع وبستخدم rgb لو بعمل تصميم ويب أو مالتي ميديا وهنشرح الكلام دا بالتفصيل بعد كدا
الفراغ
نادرا ما يستخدم الفراغ كعنصر في التصميم لأنه بيعتبر عنصر احترافي جدا وصعب التعامل معاه ولابد تكون فكرة التصميم مرنة وتسمح انك تستخدم الفراغ كعنصر
دي مقدمة مبدئية عن عناصر وأساسيات التصميم الرقمي وهنشرح بعد كدا الأركان اللي ازاي أربط بين العناصر دي وبعضها وازاي استخدمها وازاي ادي طابع معين للتصميم بتاعي
اعتذر عن الإطالة وأشوفكم في موضوع جديد
م/علاء عبد الرحمن
www.3la2design.co.cc (http://www.3la2design.co.cc/)
تقريبا 95% من مستدخدمي الفوتو شوب من النوعية دي ............ دا مش غلط لكن لو عايز تتعلم حاجه اتعلمها صح !
مجال التصميم الرقمي مجال واسع وليه فروع وأبعاد كتير ولو عايز تبقى مصمم رقمي لازم يكون عندك شوية أساسيات فنية بسيطة جدا عشان لو تصميمك وقع في ايد حد متخصص ما يحبطكش
أي تصميم في الدنيا سواء كارت او اعلان او بوستر او غلاف او أي شيء لازم يكون ليه هدف والهدف من التصميم هوا اللي بيحدد الألوان والمساحات والعناصر اللي هنستخدمها
الجماعة المتخصصين بيقولو ان التصميم ليه 10 عناصر رئيسية وهي
النقطة
الخط
الحرف
المساحة
الحجم
الكتلة
الإضاءة
الملمس
اللون
الفراغ
العناصر دي بيصيغها المصمم مع بعضها وبيستخدم اثناء الصياغة دي بعض المفاهيم البسيطة علشان يقدر يظهر جمال العناصر والمفاهيم دي هنديها مسمى أركان التصميم
فيه اربع اركان رئيسية لابد ان يعتمد عليها أي تصميم وهي
التقارب
المحاذاه
التكرار والتناغم
التضاد واللإختلاف
لو استطاع المصمم انه يستخدم العناصر العشرة أو بعضها من خلال الأركان الأربعة دول نقدر نقول ان تصميمه ناجح
طيب ازاي استخدمهم ؟
علشان تقدر تشكل العناصر دي لازم تكون فاهمها ومع بعض واحده واحده هنشرح كل عنصر وايه استخداماته
وقبل ما نشرح العناصر دي لازم نعرف ان كل عنصر من دول ليه خصائص وأبعاد يعني طول وعرض وارتفاع وشفافية وعمق والخصائص دي هيا اللي يتحدد على مدى تناغمها مع بعض جمال التصميم
النقطة .
ابسط عنصر من عناصر التصميم وتعتبر الوحدة البنائية للتصميم يعني مثلا في تصميم البايت ماب bitmap الوحدة البنائية للصورة هيا البكسل ونقدر نعتبر ان كل بكسل نقطة
والنقطة ممكن تكون حاجه من اتنين مربعة وفي الحالة دي ابعادها بتكون طول الضلع أو دائرية وفي الحالة دي بعدها بيكون نص القطر لكن مافيش نقطة مستطيلة أو مثلثة مثلا
الخط
مجموعة من النقط جنب بعضيها والخط ليه بعدين هما الطول والإتجاه وبعض المصممين بيضيفو السمك لكن الرأي دا ضعيف
فيه نوعين من الخطوط وهما الخط البسيط والخط المركب
الخط البسيط فيه منه نوعين خط مستقيم وخط غير مستقيم
الخط المستقيم يا اما افقي او رأسي أو مائل والخط الغير مستقيم يا اما منحني أو مقوس أو انسيابي أو دائري وهنا ما بيحكمناش أساس رياضي
الحرف
أهم اداة بيستخدمها المصمم للوصول للهدف من التصميم والمقصود هنا بالحرف أي الحرف الأبجدي بأي لغة كانت عربي او انجليزي او انشالله هندي
حرف جنب حرف بيديني كلمة وكلمة جنب كلمة بتديني جملة والجملة اللي في التصميم بتكون مفتاح الجمهور لفهم التصميم
وأبعاد الحرف هيا الحجم ونوع الخط والأخير مهم جدا لان اختيار نوع الخط بيدي طابع للتصميم وفيه انواع كتير من الخطوط العربية زي النسخ والرقعة والديواني والفارسي
وبيظهر ابداع المصمم في استخدام عنصر الحرف لما بيصمم لوجو "شعار"
المساحة
تعريف المساحة رياضيا هو حاصل ضرب الطول في العرض لكن في التصميم الرقمي المفهوم مختلف شوية
يعني المساحة في التصميم الرقمي هي الفراغ اللي بيشغله احد مكونات التصميم سواء كان خط او شكل او لون او أي عنصر
والقيمة الجمالية في المساحة بتيجي من التوازن بين المساحات والتناسب والتوافق مع هدف التصميم والعلاقة بين المساحة دي والمسار الفني للتصميم
الحجم
تعريف الحجم هو الحيز الذي يشغله الشئ من الفراغ والحجم في التصميم الرقمي بيرتبط بالمساحة اللي فيها العنصر يعني لو بعمل تصميم متر في متر مثلا حجم العنصر الرئيسي في التصميم ما يقلش عن 40% من الحجم الكلي
الكتلة
الكتلة في التصميم الرقمي هي مجموعة الأشكال المتقاربة في الحجم والمساحة والنوع ولو هستخدم الكتل في تصميم لازم أراعي علاقة الكتلة بالمسار الفني للتصميم علشان ما اعملش ازدحام يضايق العين
الملمس
هو المظهر الخارجي لسطح العنصر وبيجي من تشكيل الضوء الساقط على سطح العنصر ومن أمثلة الملمس النعومة والخشونة والصقل وبيستخدم عنصر الملمس كمؤثر بصري بيدي ايحاء معين
الإضاءة
تأثير الضوء الساقط على التصميم من مصدر ضوئي له موقع وهمي بالنسبة للتصميم ومناطق الإضاءة مهمة جدا في حالة وجود إيحاءات في التصميم
اللون
أهم حاجه في التصميم والألوان في حد ذاتها لغة لازم المصمم يفهمها ويتقنها كويس علشان يقدر يوظفها صح لأنه لو ما بيعرفش يوظف الألوان يبقى يشتغل ابيض واسود احسن ويريحنا
علشان نفهم الألوان وهيا بحر واسع هديكم مقدمة بسيطة
ايه هوا اللون ؟
الضوء بيتكون من اشعاعات وموجات طيفية ليها أطوال موجية والمعروف هوا ان الضوء الأبيض بيتكون من سبع أطياف اللي هيا اللوان قوس قزح طيب ايه اللي بيخلني أشوف الحاجه بلون معين ...... لما الضوء بيسقط على أي جسم الجسم دا بيمتص كل الموجات الضوئية ماعدا موجة واحده بس والطول الموجة دي او بالبلدي لونها هوا اللي بتميزه العين
طبعا الأبيض مش لون ولا الأسود لون لأن الأبيض انعكاس لكل موجات الضوء الساقط والإسود امتصاص لكل موجات الضوء الساقط
والألوان ليها تصنيفات كتيرة يهمنا منها دلوقت الألوان السخنة والباردة
الألوان السخنة اللي أصلها جاي من اللون الأحمر والبارده اللي أصلها جاي من اللون الأزرق
الألوان السخنة بتستخدم لما أكون عايز أعمل عنصر معين بشكل مزعج للعين يعني مثلا لو بصمم يافطة ممنوع الدخول أو ممنوع أي حاجه وحطيت في التصميم علامة اكس لازم تكون الإكس دي باللون الأحمر علشان تزعج العين لكن لو بعمل تصميم هادي أخلي الوانه بارده ازرق أو أخضر بدرجاتهم
والألوان ليها دلالات وهنتكلم عن دلالات الألوان في مواضيع قادمة ان شاء الله
ومهم جدا وانا بشتغل اني أعرف النظام اللوني اللي بشتغل عليه وفيه نظامين مشهورين جدا هما cmyk , rgb
بستخدم cmyk لو هعمل تصميم مطبوع وبستخدم rgb لو بعمل تصميم ويب أو مالتي ميديا وهنشرح الكلام دا بالتفصيل بعد كدا
الفراغ
نادرا ما يستخدم الفراغ كعنصر في التصميم لأنه بيعتبر عنصر احترافي جدا وصعب التعامل معاه ولابد تكون فكرة التصميم مرنة وتسمح انك تستخدم الفراغ كعنصر
دي مقدمة مبدئية عن عناصر وأساسيات التصميم الرقمي وهنشرح بعد كدا الأركان اللي ازاي أربط بين العناصر دي وبعضها وازاي استخدمها وازاي ادي طابع معين للتصميم بتاعي
اعتذر عن الإطالة وأشوفكم في موضوع جديد
م/علاء عبد الرحمن
www.3la2design.co.cc (http://www.3la2design.co.cc/)