الشيخ زعبوط عندنا .. يامرحبا يامرحبا

[حــاتم الجــارحى]

بسم الله الرحمن الرحيم


أخوتى وأخواتى
أخيرا وبعد طول إنتظار وافق العلامة الفاضل والجهبذ الكبير والمناضل العتيد والعالم المتمكن الأستاذ الدكتور البروفيسور زعبوط
الشهير بالشيخ زعبوط
وافق وبعد إلحاح شديد منا
وافق على أن يمنحنا حق نشر مذكراته حصريا على صفحات منتدانا وإن كان لم يعطى لنا إشارة البدء
ونحن إذ نشكره على هذا الشرف الكبير نرجوه أن يسمح لنا ببدء النشر خاصة فى ظل حالة التشوق العارم لمذكراته الرائعة
فلنبدأ جميعا فى مخاطبة شيخنا الكريم الإفراج عن مذكراته الرائعة
والسلام عليكم ورحمة الله وبركاته

[وردة المنار]

بجد ياباشمهندس
الشيخ زعبوط هايكتب عندنا
ده خبر بمليون جنيه
مش قادره أستنى لما أشوف المذكرات
وحياة حبايبك ياشيخ زعبوط تسمح لنا ببدء النشر

[شبل المنار]

مرحبا بحضرة الشيخ زعبوط
أحد أشهر الشخصيات صاحبة المذكرات بعالمنا المعاصر
وجود حضرتك ومذكراتك بالمنـــار شرف كبير ياريت ماتحرمناش منه
فى إنتظار بدء البث لك كل تحياتى

[عبير مراد]

حـــــــــــــــــــــــــــــــــــــى
والشيخ عندنا جاى
بركاتك ياشيخنا

إمتى هاتحن علينا علشان نبتدى ؟
ياريت بسرعة الله يجبر بخاطرك
أنا عايزاك ضرورى جدا

[شام]

http://members.abunawaf.com/aldamy/bslhm.gif


الشيخ زعبوط المبجل وصل يا مرحبا يا مرحبا

نزلت أهلاً و حللت سهلاً

ننتظر مذكراتك الممتعة في غاية الشوق

http://www9.0zz0.com/2008/11/15/20/291864084.jpg

[ضوء المنار]

بسم الله الرحمن الرحيم


يادى الكسوف :o
مش عارفة أورى وشى للشيخ إزاى ؟
حقك عليا ياشيخ
أنا غلطانة :(
لكن وحياة مذكراتك الغالية كان غصب عنى
أنا مشغولة جدا بالشغل الفنى وما أخدتش بالى من الإعداد لنشر مذكراتك الجميلة
العفو والسماح ياشيخنا وسايق عليك حبيبك النبى ماتبعت لى حاجة من حاجاتك .. أنا جتتى مش ناقصة

منتظرين مذكراتك يامفخرة الشيوخ

[حــاتم الجــارحى]

بسم الله الرحمن الرحيم


السلام عليكم ورحمة الله وبركاته
إزيكم ياجماعة ؟
عاملين إيه ؟
ياريت تكونوا بخير وبصحة جيدة
بشكركم ياجماعة على إستقبالكم الكبير لحضرتى
لكن ...
فيه شخص معين
عضو محدد
كنت منتظر انه يرحب بيا لكنه وكعادته معى ... طنش
عموما أنا مش مستعجل ومنتظر وها أشوف هايعمل إيه ؟ وهايطنشنى لإمتى ؟
بشكركم مرة تانية وإلى لقاء قريب

التوقيع
الشيخ زعبوط الشبوط

[أبو قمر]

اسمع يا ظعبوط
أنا كنت مستني أشوف أراء الجماهير
وعرفت مدى خوفهم منك من خلال ترحيبهم الاضطراري بيك
ان شفتك فى القسم بتاعى مش هتعرف ايه اللي هيجرى لك منى
على كل حال وريني نفسك عاوز أشوف واسمع وأقرأ ألاعيبك
بس على مين وقدامك حاجه من اتنين يا اقسم معاك واستر عليك
يا البلد كلها هتعرف نصبك ( هي فوضى )
شوف لك قسم من أقسام المنتدى يكون حد من المشرفين خايف منك
وروح عنده لكن أنا وانت في قسم واحد تبقى بتلعب في عداد عمرك
إخواني أعضاء المنتدى اللي قبل تحدي الشيخ ظعبوط يصوت هنا ويبقى يوريني شطارته

[حــاتم الجــارحى]

بسم الله الرحمن الرحيم


إزيك يا أبوقمر ... واحشنى ياراجل
إيه المقابلة الغير ودودة دى ؟ ... دى طريقة تقابلنى بيها بعد الغيبة دى كلها !!!
لا أهلا ولا سهلا ولا حتى أقعد أشرب كوباية شاى
عموما أنا كنت عامل حسابى وطلبت من الباشمهندس حاتم قسم خاص بيا ولوحدى علشان لا أكتب عند حد ولا حد يستضيفنى بقسمه ويعملها عليا بجميله
شوف يا أبو قمر
الناس بترحب بيا لأنها بتحبنى
لا خوف ولا إرهاب ولا أمن دولة
وربنا لما بيحب حد بيحبب فيه عبيده
وهتشوف صيتى وسمعتى شكلها إيه ؟
سلام ياعزيزى

التوقيع
الشيخ زعبوط الشبوط

[أبو قمر]

دا انت واثق من نفسك بقى
على كل حال بكره الناس تعرف
وتشوف حقيقتك دا أنت بتشتغل بدكر بط
وحمامه يتيمه وديك اسود وما شابه ذلك
ولعلمك الخاص أنا ليه كلام مع مديرة المنتدى
وهقعد لك بالمرصاد واياك تنشر حاجه متعجبنيش
وبتحداك علانية ولو حد شايف انه قادر على تحدي الشيخ زعبوط
يضم صوته لصوتي فين الشباب حد يشاركنى في تحدي الشيخ زعبوط

[عبير مراد]

اخونا الفاضل أبو قمر
مالكش حق يا اخى
الشيخ زعبوط رجل صالح وكله بركه
وعن تجربة شخصية كانت واحدة جارتى بنتها عندها 30 سنة وكان بيجيلها خطاب كتير جدا والموضوع مابيكملش
الناس وصفوا له الشيخ وراحت له وعرف ان البنت معمول لها عمل من إبن عمها علشان متتجوزش حد غيره
أول حاجة فك العمل ده
وتانى حاجة عمل لها عمل تانى
جالها 4 خطاب مرة واحدة فى أسبوع
والبنت إتخطبت وإتجوزت وعايشة ومبسوطة وسعيدة
الفضل يرجع للشيخ زعبوط

[شبل المنار]

أخى أبو قمر
شهادة حق لازم نقولها
الشيخ راجل واصل وله بركات مانقدرش ننكرها
أنا ها أقول على حاجة شوفتها
كان لنا زميل فى الكلية سابقنى ب3 سنين
كان دايما يسقط فى مادة الكيمياء العضوية
قعد يسقط فيها 3 سنين وكان مابيفهمش منها ولا حرف
وهوه فى سنة رابعة ماذكرهاش خالص وراح للشيخ
الشيخ ــ الله يكرمه ــ أعطاه حجاب
ودخل الإمتحان ونجح رغم انها السنة الوحيدة إللى ماذاكرش فيها ولم يفتح فيها كتاب
الشيخ راجل واصل صدقنى

[أبو قمر]

أختي الفاضلة عبير مراد
دا كله بكش وأونطه من الشيخ زعبوط
ولو كانت صبرت الأسبوع كان العرسان هيجم لوحدهم
لو اطلعتم على الغيب لأخترتم الواقع
وبعدين العمل اللي الشيخ زعبوط فكه هل يمنع قدر الله او يقطع النصيب بالطبع لا
والآية رقم 101 في سورة البقرة دليل على ذلك بمعنى ان كل اللي اتقدموا ليها مش نصيبها
ولا قدرها يعني اول ما نصيبها اللي ربنا مقدره ليها يخبط على بابها لا زعبوط ولاغيره هيمنعه
صح دا كلام المنطق ودا الكلام المعقول
واذكركم بجزء من الحديث الشريف " واعلم أن الأمة لو اجتمعت على أن ينفعوك بشئ لن ينفعوك إلا بشئ قد كتبه الله لك ولو اجتمعت على أن يضروك بشئ لن يضروك إلا بشئ قد كتبه الله عليك رفعت الأقلام وجفت الصحف "
وأسيبكم للأيام تثبت لكم نصب الشيخ زعبوط
على فكره أنا متشوق لمذكراته أكثر من الكل وبفارغ الصبر عاوز أشوف سطر مكتوب فيها
علشان انا لي معاه تااااااااااااااااااار ولازم بفضل الله انتصر عليه
يا شباب محدش عاوز يقف معايه ضد الشيخ زعبوط ؟؟؟؟

[وردة المنار]

الشيخ زعبوط
ده راجل امير ودايما يسعى فى الخير
وهاقول عن موقف حلو عمله مع واحده صاحبتى
كانت صاحبتى دى مرتبطة بقصة حب كبيرة مع إبن عمها وكل ماكان يتقدم لوالدها كان يرفضه ــ رغم انه إبن أخوه ــ رغم انه شاب مؤدب وله عمل جيد وإمكانياته مناسبة جدا
والدة صاحبتى راحت معاها للشيخ
أعطاهم حجاب وشوية بودرة وضعوها لوالد صاحبتى بالشاى
وتقدم لصاحبتى إبن عمها للمرة الرابعة ووافق عمه عليه ورحب بيه جدا وإتخطبت وبتستعد دلوقت للجواز
الشيخ زعبوط راجل جميل جدا
حرام يا أبو قمر تظلمه

[أبو قمر]

لا لا لا لا لا لا لا لا لا لا
يا خبر مش ............... يا نهار ..................
شبل وورده كمان بيدافعوا عن الشيخ زعبوط
طيب يا انا يا انت يا زعبوط
هعرف الناس اباطيلك
وساعتها مش هتلاقى حد جنبك

أنا متأكد من حاجه
يا إما الشباب خايفين منك ( ولازم يعرفم أن الأمر كله بيد الله )
أو تكون عامل لهم عمل ( وان شاء الله هفكه بالقرآن )
ومش عاوز حد يقف معايا ضد زعبوط
أنا لهذه المعركه ضد زعبوط وأعوانه
وسنرى لمن الغلبة
وقابلني يا زعبوط ووريني مذكراتك انشر بقى عشان انا مجهز لك مدافع وصواريخ ونووى ودمار شامل

[Hania]

ياله من موقف صعب
حقيقة يا جماعة لا اعرف مذا اقول
لم أشعر يوما بتردد و صعوبة في كتابة مشاركة ما كما اشعر اليوم
بداية اود التريحيب بشيخنا المبجل زعبوط كما اود ان اشكر كل من ساهم في هذه الصفحة واثراها وخصوصا استاذنا العزيز ابو قمر
لا اود الإطالة فليست لدي القدرة على المجادلة
ولكني اتقدم بكل التقدير والاحترام لطرفي النزاع
في الواقع انا أكن معزة خاصة للأستاذ ابو قمر ومن اشد المتتبعين لمواضيعه ومشاركاته الثرية واقتنع دوما برأيه
ولكن اعذرني
فانا اليوم اقف امام صراع بين قناعاتي الشخصية وواقع اراه كل يوم بعيني
الشيخ زعبوط بلغ ذكره مغارب الأرض ومشارقها
حتى وصل لجارتي المسكينة التي تتعالج من العقم منذ ثلاثة عشر عاما
لم تترك طبيبا ولا عالما ولا عشابا الا وطرقت بابه
إلى ان سمعت بالشيخ زعبوط فقصدته رغم بعد المسافات هرعة تأمل الشفاء على يديه
وهاهي الان تنعم بنعمة الامومة و السعادة تغمرها
اخي العزيز ابو قمر
اعذرني

[أبو قمر]

لا إله إلا الله
لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ} الشورى : 49 -50


شكرا لكي أختى هدى المنار ولكن أنا ألتمس لك العذر
وإن شاء الله نترك الموضوع لحين ما الشيخ زعبوط يورينا نفسه وفي النهاية سنرى لمن تكون الغلبة
وكما ذكرت لكم سأخوض المعركة وحدي
لأنى شايفكم تخذلونني وتقفون مع زعبوط
وعلى فكرة مش زعلان منكم أنا زعلان عشانكم
ولكنى متأكد أنكم في النهاية سترون أني محق
يا شيخ زعبوط اتفضل ورينا مذكراتك نحن في الانتظار

[أبو قمر]

نحن هنا يا زعبوط الجولة الأولى
ورينا بقى مذكراتك وبركاتك نحن في شوق اليهــــــــــــــــــــــــــــا

أخى الحبيب حاتم الجارحي :
أنا عارف إن زعبوط صديقك من زمان وانت عارف انه كان صديقى قبل ما يشتغل في الدجل
وكان لى معه جولات كثيرة وجاني برجليه تاني يتحداني ودي فرصتي لأثبت للعالم كله الحقيقة
فأرجوك استعجل لنا مذكرات صديقك زعبوط الشبوط علشان جيشنا على أهبة الاستعداد
الى اللقاء يا شيخ زعبوط نلتقى على صفحات مذكراتك

[ضوء المنار]

بسم الله الرحمن الرحيم


أخى الفاضل أبوقمر
مش عارفة أقولك إيه؟
لكن انا مضطرة أصارحك
الشيخ زعبوط راجل ممتاز وبتاع ربنا وبيساعد الكل
أنا شخصيا تعاملت معاه
كنت فى غاية الضيق من قلة عدد مرتادى الموقع وقلة ظهورنا على محركات البحث كالياهو وجوجل وغيرها
ورغم ان شغلنا ممتاز جدا لكن لم نكن نظهر على محركات البحث أبدا وكان افضل ترتيب لنا عن الشياتسو للباشمهندس حاتم وظهرنا بالصفحة الخامسة بجوجل
كانت حالتى سيئة وروحت للشيخ زعبوط وشرحت له مأساتى والراجل طمنى جدا ووعدنى خير
والنتيجة شوفها بنفسك
عدد متواجدين الأن 70
ومتواجدين على جميع محركات البحث وفى الصفحة الأولى ومعظم مواضيعنا بال3 مراكز الأولى
بصراحة حاجة تفرح
ولو مش مصدق
شوف بنفسك
الشيخ زعبوط ده هدية من السما

[أبو قمر]

معنتش قادر اقول حاجه
الراجل ده باين راجل بركه بصحيح
طالما بركاته حلت على المنتدى
يبقى مفيش غير اني أقول بركاتك
يا شيخ زعبوط
وانا برحب بيك على صفحات طب المنار
كله الا المنتدى
بالمناسبة يا زعبوط
عبد الحميد ابني بقاله فترة كده نفسه مسدوده
عن المذاكره وحفظه في القرآن قل شويه يعني لو تعرف وسيله
بس متقلش لحد خليها بيني وبينك !!!!!
مرحبا بالصديق القديم الشيخ زعبوط الشموط

[نجمة المنار]

بسم الله الرحمان الرحيم
كنت محتارة في المشاركة فلقد تمزقت ما بين اخي الجليل ابو قمر و بركات الشيخ زعبوط
و لآخر لحظة كنت حنزل مشاركة مغايرة خالص عن التي انا بصصد كتابتها
فجاءت الصدمة لا انها ليست صدمة انها بشارة,
بشارة بأن الشيخ زعبوط رجل ذو كرامات كبييييييييييرة
بقا أكون على وشك مناصرة اخونا ابو قمر الاقيه منزل موضوع مدح و اثراء
لالالا
المسأله بجد قلبت موازيني خالص و خلتني اقول بركاتك يا شيخ زعبوط و مرحبا بيك و اي خدمة احنا موجودين
لو عاوزنا ننسخ لك المذكرات او نترجمها لكل لغات العالم ما
عندناش اي اعتراض


في بس حاجة صغيرة انا لسه عاملة عملية و عندي صعوبة في المشي دلوقت
يا ريت حضرتك يا شيخ تديني حاجة ابخر بها رجليا
و ربنا لوحده اللي حيجازيك

[أبو قمر]

شفاكي الله وعافاكي أختى نجمة المنار

[حــاتم الجــارحى]

بسم الله الرحمن الرحيم


أخيرا يا أبو قمر
انت راجل متعب جدا
لازم تعرف ان مش كل الناس وحشين
فيه ناس كده ... وفيه ناس كده ....
والأيام هاتثبت لك كلامى ده بعدين
انا مذكراتى جاهزة وفيه نسخة منها مع الجارحى
مافيش من عندى أى مانع منتظرين بس نشوف الوقت المناسب وده مع الإدارة مش من عندى
أشوفكم على خير
سلام
التوقيع
الشيخ زعبوط الشبوط

[حــاتم الجــارحى]

بسم الله الرحمن الرحيم


أخوتى وأخواتى
السلام عليكم ورحمة الله وبركاته
أهلا ومرحبا بكم
بصراحة كنا ناويين ننزل مذكات الشيخ إبتداءا من هذا الشهر
ولكن دخول عيد الأضحى وعودة الحجاج أقنعنا بالإنتظار حتى بدء العام الميلادى الجديد
ولكنها كانت فرصة لكل طرف ليقول رأيه ويسن أسنانه ويستعد للدفاع عن أرائه ومعتقداته
فى الحقيقة ظهر أخونا أبو قمر يقاتل وحيدا وذكرنا ب ( دون كيشوت ) وهو يصارع طواحين الهواء

لقد ظهر اخونا أبو قمر بمفرده وذكر كل من اخذوا جانب الشيخ حكايات وروايات كثيرة تثبت براعته وحنكته وطيبة قلبه أحيانا
ومن هنا فالمنطق يقول أن الشيخ على حق وبدليل كم الروايات التى قالها أعضائنا والتى تثبت انه راجل خطييييييييير فهو يزوج البنات ويفك العكوسات ويقهر الطب ويشفى من العقم حالات
ويتعدى هذه الأمور التقليدية للشيوخ وينجح فى الإمتحانات وأكثر واكثر وهو إظهار المنتدى على ما للبحث من محركات
فالواضح ان الشيخ راجل واصل وإيده طايله
وأى شخص يدخل يشوف المشاركات ربما يطالبنا بعنوان الشيخ ورقم موبايله
ولكننا لن نستعجل الحكم الأن
ونترك الأمور معلقة حتى بدء نشر المذكرات
وساعتها نرى أى جانب سنكون بجانبه
فإنتظرونا

[أبو دجانة الحميدى]

يا مرحبا عمي الشيخ زعبوط

[حــاتم الجــارحى]

بسم الله الرحمن الرحيم


أخوتى وأخواتى أعضاء المنتدى الأعزاء
كل عام وانتم بخير بمناسبة عيد الأضحى المبارك

http://upload.all-patch.org/images/66678403-EidGreetings.gif


:D منتظرين الفتة واللحمة والذى منه :D


التوقيع
الشيخ زعبوط الشبوط

[نجمة المنار]

بسم الله الرحمن الرحيم
كل سنة و أنت طيب يا شخنا العزيز

مستنيك بعد العيد
http://www.dadou3x.net/wp-content/uploads/2007/10/eid_mubarak_by_ali_imran786.jpg

[أبو قمر]

شيخ زعبوط منور يا شيخنا
كل سنة وانت طيب
منتظرين مذكراتك على أحر من الجمر

[حــاتم الجــارحى]

بسم الله الرحمن الرحيم


أخوتى واخواتى
كان من المفترض ان يكتب لكم شيخنا الشهير بعد مرور العيد
ولكن ...
للأسف الشديد فبعد مرور أيام العيد بكل مافيها من خيرات إستسلم الشيخ لسلطان النوم ... وهذا حقه
فحقيقة ظل الشيخ يجاهد من بعد صلاة العيد مابين فخذ من الضأن وريش البتلو وكوارع ولوازمها
مابين مقلى ومشوى ومسلوق
يتخللها اطباق خفيفة من الكبد والكلاوى والممبار وغيرها
لم يزور معدته طول العيد لا اللحوم ومشتقاتها
وبعد معارك حامية إستمرت طوال العيد على الموائد العامرة سمح لنفسه براحة قصيرة مازال يٌسمع صوت تنفسه الرتيب على أثارها حتى اليوم
ونحن فى إنتظار ان يفيق من هذه الغفوة ( القصيرة ) لنتبارك من طلعته الجلية وافعاله العبقرية
فلندعوا له بنوم هادىء وأحلام سعيدة

[Hania]

شيخنا العزيز الموقر زعبوط بانتظار مذكراتك بفـــــــــــــــــــــــــــارغ الصبر
معقول عيد رأس السنة يمر عليك وبعدك نايم ؟؟؟
مستنيــــــــــــنك

[نجمة المنار]

http://www.vip70.com/smiles/data/050.gif
خلاص بقا نوم وكسل يا شخنا محتاجينك معانا
يا لا كل سنة وانت طيب
http://under20.maktoob.com/CardPath/31293.gif

[حــاتم الجــارحى]

بسم الله الرحمن الرحيم


شكرا ياهدى وشكرا يانجمة
رفعتوا روحى المعنوية يابنات
وكل سنة وأنتوا طيبين

بمناسبة المذكرات
اول حلقة هاتنزل يوم الإثنين الجاى
فإنتظرونى

التوقيع
الشيخ زعبوط الشبوط

[أبو قمر]

الشيخ زعبوط أخيرا طمنتنا عليك يا راجل دا الشائعات عليك شغاله
واحد يقول دا اتخطف واللى وراه ناس كيميائين وواحد يقول لا دا اللي
خطفه جماعات متطرفه وآخر خبر سمعته من قناة مشهورة إن الشيخ
زعبوط كان مختفى من أبو قمر لكن لا ولايهمك ظهورك النهارده كذب كل الشائعات المغرضة
على فكره أبو قمر اقتنع وهيسبك تبين بركاتك بس بشرط متنساهوش في دكرين بط